2020, സെപ്റ്റം 17

ഒറ്റമന്ദാരം

                                            Source: https://in.pinterest.com/pin/520939881878444678/

എൻ ബാല്യത്തിന്നോർമ്മപ്പൂക്കളിൽ  
വിടർന്നു നിൽപ്പുണ്ടൊരാ വെളുത്തമന്ദാരം,
തുടുത്തകവിളിൽ നിന്നുതിർന്നുവീണ-
നനുത്ത മഞ്ഞിൻതുള്ളികൾ പോലും!

മനോജ്ഞയാം സഖി അതീവഹൃദ്യമായ്-
പകർന്നു തന്നുപോയ പ്രിയമുഹൂർത്തം;
അതീവസുന്ദരപുഷ്പമായ്, കാലത്തി- 
നതീതമായ്  വിടർന്ന വാടാമലരായ്!

എൻ ഹൃദയത്തിനൊരുകോണിലിന്നും 
നഷ്ടസ്വപ്നമായ് മിന്നും നിലാപുഷ്പമേ,
നിൻ ശുഭ്രമാം മനോമുകുരത്തിലെന്നും 
ഞാനുമൊരൊറ്റ മന്ദാരമായിരുന്നെങ്കിൽ! 

അഭിപ്രായങ്ങളൊന്നുമില്ല: