അഹമേവ വിശ്വതനു!

ഹിമാചലങ്ങള്‍ തന്‍ ശൈത്യനിശ്വാസമായ് ,

ഗുഹാമുഖങ്ങളില്‍ ഉയിര്‍ കൊണ്ട തീര്‍ത്ഥം ,

വരരുദ്ര പ്രയാണമായി, ട്ടെന്നുള്ളിലേ -

ക്കാഞ്ഞു പതിക്കും നവ മുഹൂര്‍ത്തം!

മഹാപ്രവാഹം! എന്‍ സ്വത്ത്വബോധമാ  -

ബ്രഹ്മചിത്തത്തിലലിയിച്ചു  ചേര്‍ക്കാന്‍;

മന്വന്തരങ്ങള്‍  താണ്ടി, മുജ്ജന്മ ഗഗന-

വീഥികള്‍ കടന്നു വരും ഗംഭീര ശംഖനാദം!

എന്നിലാത്മസംപ്രീതനായ്  അഭൗമതേജസ്സായ്

ദേവന്‍ തൃക്കണ്ണാല്‍ ജ്വലിപ്പിച്ചുണര്‍ത്തും  മഹാദീപം ;

എന്നുള്ളിലെന്നെന്നുമണയാ,തെരിയുമ്പോള്‍ -

ഞാന്‍ ലോകൈകനാഥന്‍ തന്‍ വിശ്വതനു !